Borgarstjóraval í bloggheimum

Hér á síðunni stendur lesendum til boða að velja borgarstjóra. Nokkuð sem við getum ekki gert enn um sinn í raunheimum þrátt fyrir glundroða síðustu mánaða. Hér til hægri þarftu bara að klikka á "spurt er". 

Það eru aðeins 5 einstaklingar í þessu vali, hér er ekki kosið um flokka.

Þetta er leikur sem allir lesendur síðunnar geta tekið þátt í. 

Góða skemmtun.    

og enn af nýjum leiðum í menntun

Í frh af síðustu færslu, kannski verður afraksturinn eitthvað á þessa leið

Veit Þorgerður Katrín af þessu

Nú þurfa ungmenni í Bretlandi ekki lengur að mæta í skóla til að ná prófum, McDonalds útskrifar mannskapinn ... 

Tveir vinir og báðir í fríi:

Hey, ég er með próf frá Kentucky Fried, ég kann Twisterinn best, fékk tíu í honum!

Hmmm ég er með próf frá Bæjarins Bestu, góður í hráa lauknum, það er líka erfiðast. 

Prófskírteini frá McDonalds

Nú ætla ég að hrósa ...mér

Þið skuluð ekkert endilega lesa þetta. Ég set þetta hér inn fyrir eigið egó með smá sýniþörf í bland auðvitað. Það á við um okkur flest býst ég við sem erum að blogga á annaðborð. Ef þið opnið og lesið þrátt fyrir aðvörun þá þýðir ekkert að tuða í mér, þið fenguð aðvörun Margir pirrast sjaldan meira en einmitt þegar ræða skal um;  

reykingar!  

Kveikjan að þessari færslu átti sér stað þegar ég rétt skrapp inn í verslun um helgina og var á hraðferð eins og yfirleitt alltaf þegar ég fer í búð. Á undan mér við afgreiðslukassann var kona að kaupa 3 pakka af sígarettum. Hún borgaði fyrir þetta 1.917 kr! 

Ég reykti sjálf hérna í den, byrjaði reyndar seint, reykti lítið og hætti snemma, nánar tiltekið 1.sept 1994. Það var ekki erfitt að hætta, þetta var bara spurning um ákvörðun, hvort löngunin til að losna við vanann væri einlæg eða ekki. Ég reykti ca 3 pakka á viku þegar mest var, eins og konan kannski gerir sem verslaði við hliðina á mér í þetta sinn,

(1.917kr x 52vikur=99.684kr á ári ) (og ekki orð um það meir).

Fyrsta árið eftir að ég hætti að reykja verðlaunaði ég sjálfa mig með því að eyða sígarettupeningunum... samviskusamlega ...í föt...!  Mér finnst gaman að eiga falleg föt og ekki síst vandaða skó. Skólager Mörtunnar blómstraði sem aldrei fyrr þetta fyrsta reyklausa ár. Sömuleiðis fitness klæðnað í ræktina, en slíkt keypti ég nánast í öllum litum.  

Það var rosalega gaman að eyða þessum peningum, einmitt þar sem ég var svona löglega afsökuð, ég var þó að spara allan þennan pening með því að kaupa ekki sígarettur. Þessi týpíska lógík okkar kvenna þegar fatnaður á í hlut! Spara með því að eyða   - í skó en ekki í sígó.  Þetta er lógískt finnst mér ...

Leshringur, nú eru 2 vikur í næsta bókaspjall 10.feb

Leshringur, nú eru 2 vikur í næsta spjalldag.

Sunnudaginn 10.feb tökum við fyrir bókina Stutt ágrip af sögu traktorsins á úkraínsku eftir Marina Lewycka.

Næsta bók er svo Himnaríki og helvíti, eftir Jón Kalmann Stefánsson. Bókaspjall um hana verður sunnudaginn 9.mars.  

Nokkrir nýir félagar hafa bæst í hópinn. 

Ef fleiri bloggarar vilja bætast í leshópinn þá væri gaman ef fólk léti vita af sér. Það eru engar kvaðir í gangi fólk tekur þátt þegar því hentar, en bókapsjallið er ca einu sinni í mánuði á sunnudegi og fer fram hérna á síðunni.  

Þessir eru núna skráðir í Leshringinn:  Aðalheiður Ámundadóttir, Auður H Ingólfsdóttir, Ása Hildur Guðjónsdóttir, Ágúst Bjarnason, Ásdís Sigurðardóttir, Björg K.Sigurðardóttir, Bryndís R., Edda Agnarsdóttir, Einar Bragi Bragason, Einar Indriðason, Erna, Fanney Bj., Guðni Már Henningsson, Guðný Anna Arnþórsdóttir, Guðný Svava Strandberg, Guðríður Haraldsdóttir, Guðríður Pétursdóttir, Halldór Egill Guðnason, Hallgerður Pétursdóttir, Hanna Birna Jóhannsdóttir, Hrönn Sigurðardóttir, Huld Ringsted, Högni Sigurjónsson, IbbaSig, Jóhanna Magnúsar -og Völudóttir, Jóna Á Gísladóttir, Júlíus Valsson, Katrín Snæhólm Baldursdóttir, Kolbrún Baldursdóttir, Kristín Björg Þorsteinsdóttir, Kristín Katla, Margrét Annie Guðmundsdóttir, Marta Helgadóttir, Ólína Þorvarðardóttir, Ragnhildur Birna Hauksdóttir, Rúna Guðfinnsdóttir, Dúa-Sigþrúður Þorfinnsdóttir, Sólveig Pétursdóttir, Steingerður Steinarsdóttir, Svanhildur Karlsdóttir, Svanur Heiðar Hauksson, Vilborg Traustadóttir, Þorbjörg Ásgeirsdóttir, Þorsteinn Ingimarsson, Þröstur Unnar, Ægir Magnússon.

Góða skemmtun.    

Alladín lampinn í fjörunni

Þeir eru vandfundnir þeir bestu.

Kona fann Alladín-lampa liggjandi í fjörunni. Hún tók hann upp, pússaði hann og hvað haldið þið? Út úr lampanum steig andi. Furðu lostin konan spurði hvort hún fengi þrjár óskir uppfylltar. Andinn svaraði: Neeei--- vegna verðbólgu, stöðugs samdráttar, lágra launa í löndum þriðja heimsins og heiftarlegrar samkeppni um allan heim, get ég aðeins veitt þér eina ósk og hvers óskar þú þér nú? Án þess að hika sagði konan: Ég óska friðar í Mið-austurlöndum. Sérðu þetta kort? Ég vil að þessi lönd hætti að berjast hvert við annað. Andinn leit á kortið og hrópaði:  VVVWaaaááááá, er ekki í lagi með þig manneskja! Þessi lönd hafa átt í stríði í þúsundir ára. Ég bý yfir miklum mætti, en svona máttugur er ég ekki!  Ég held að þetta sé ekki framkvæmanlegt, þú verður að óska þér einhvers annars. Konan hugsaði sig um augnablik og sagði svo: Okey,  ég hef aldrei getað fundið rétta manninn, þú veist: sem er tillitsamur, skemmtilegur, finnst gaman að elda, hjálpar til við að þrífa húsið, er góður í rúminu, semur við fjölskyldu mína, er ekki alltaf að horfa á íþróttirnar og er mér trúr. Já, það sem ég óska mér er: Góður maður. Andinn gaf frá sér langt andvarp og sagði: Láttu mig sjá þetta fjandans kort.

Orson um Churchill

Sögustund

góða helgi essgurnar

When girls drink too much 

1. We have absolutely no idea where our purse is. 2. We believe that dancing with our arms overhead and wiggling our butt while yelling "woohoo" is truly the sexiest dance. 3. We've suddenly decided that we want to kick someone's ass and honestly believe we could do it too. 4. In our last bathroom visit, we realize that we now look more homeless than the goddess we were just four hours ago. 5. We start crying and telling everyone we see that we love them sooooo much. 6. We get extremely excited and jump up and down every time a new song plays because "oh my god! I love this song" 7. We've found a deeper/spiritual side to the geek sitting next to us. 8. We've suddenly taken up smoking and become really good at it. 9. We yell at the bartender, who we believe cheated us by giving us just lemonade but that's just because we can no longer taste the gin. 10. We think we are in bed, but the pillow feels strangely like the kitchen floor (or the mop?)  11. We fail to notice that the toilet lid's down when we sit on it. 12. We take our shoes off because we believe it's their fault that we're having problems walking straight.

...og enn af brjóstum í jafnréttisbaráttu

Óvenju mikið hefur verið fjallað um ber brjóst uppá síðkastið vegna jafnréttisbaráttu kvenna á Norðurlöndum, sem vilja vera berar að ofan í sundi eins og karlar gera.

Ef ég hef skilið rétt áherslur beraðofanísundi-jafnréttisbaráttunnar, þá finnst þessum konum einfaldlega þægilegt og frjálst að vera berar að ofan og skyldi engan undra það. Ekki síður vilja þær eyða þeirri "mýtu" að brjóst séu nokkuð annað en efripartur líkama, og að engin dulúð sé sérstaklega tengd brjóstasvæðinu á konum frekar en öðrum líkamshlutum sem venjulega eru berir í sundi, t d hálsinum, öxlunum, bakinu, úlnliðnum, hnjánum eða ökklanum. Allir þessir líkamshlutar eru samt, a m k á stundum, hluti af þokka konunnar. 

Ég er engin tepra held ég, en spyr nú samt   -  hvað næst?  Berir rassar?

Það er vafalítið notalegt fyrir fólk að vera berrassað í sundi ekki síður en að vera ber að ofan og rassar eru jú bara hluti af líkamanum ef við lítum þannig þá það. Sumir nota rassinn til að sitja á honum, aðrir tala stundum með honum en það er önnur saga sem heitir á ensku:  talking through his ars  og er sérstaklega hugstætt í borgarpólitíkinni þessa vikuna!  

Sumum sem eru ekki jafnréttissinnaðir frekar en ég að þessu beraðofanísundi-leyti,  finnst rassinn ekki síður hluti af kynþokka bæði karla og kvenna og finnst hann eiga skilið sömu dulúð og brjóstin. Að sýna rassinn mátulega mikið getur verið flott, en að sýna sjálfan afturendann allsberan þó í sundi sé, er ekki endilega það fallegasta 

....en þar er ég auðvitað komin út fyrir efnið, þessi tiltekna jafnréttisbarátta snýst jú um það sem er þægilegt er það ekki, en ekki hvað er fallegt eða siðsamlegt. 

Stundum getur fólk misskilið sölumenn

Fyrir ári síðan lét ég skipta um alla glugga í húsinu okkar. Ég keypti þessa dýru tvöföldu með orkusparandi einangrunarhúðinni. Svo í gær hringdi forstjóri fyrirtækisins sem seldi mér gluggana. Hann sagðist hafa lokið verkinu fyrir einu ári, og ég hefði ekki enn borgað honum eina krónu. Þó ég sé ljóska þarf það ekki að þýða að ég sé heimsk. Ég sagði honum að flinki og vel talandi sölumaðurinn hans, sá sem talaði við mig, hefði fengið mig til þessara kaupa á grundvelli þess að þessar rúður myndu borga sig upp sjálfar á einu ári. 

Hallóó!? Núna er nefnilega liðið nákvæmlega eitt ár!  Þá kom löng þögn í símann, svo ég lagði bara á.

Hann hringdi ekki tilbaka, hann vill auðvitað ekki viðurkenna hversu vitlaus hann er!