Fassbinder, viltu númerið mitt?

Við systur fórum á sýningu Kvikmyndahátíðar í gærkvöldi í Norræna húsinu á mynd Fassbinders, hjónaband Mariu Braun. Stórgóð mynd eins og við var að búast af snillingnum, en hann lést fyrir um 20 árum síðan.

Myndin hefur elst ótrúlega vel og staðist tímans tönn, þarna er um sígilt verk að ræða. Svartur húmor Fassbinders er beittur í myndinni og maður skellir uppúr hátt og innilega hvað eftir annað, oftast tekst honum að hafa áhorfandann óundirbúinn, maður sér ekki fyrir hvað muni gerast næst í samskiptunum.  

Við upplifðum afturhvarf til fortíðar að sitja þarna í litla sýningarsalnum. Myndin var sýnd af filmu eins og vera ber með gamlar myndir, suðið í sýningarvélinni, sveittur sýningarstjórinn, hljóðið kom örlítið á eftir sem var svo lagað.... allt þetta minnti á sýningar í kvikmyndaklúbbnum á menntaskólaárunum og bíósýningar vestur á fjörðum þegar við vorum smákrakkar. Það vantaði bara lyktina af poppinu en menningarvitarnir í Norræna húsinu borða auðvitað ekki svoleiðis.

Eftir sýninguna var komið fallegt veður, logn og rigningarlaust svo við fórum á pöbbarölt. Fyrst á Thorvaldsen, á Næstabar og síðast á Ölstofuna. Þegar hér var komið sögu var klukkan ca hálfeitt og við ætluðum að stoppa stutt enda afmæli sonarins daginn eftir. Ég vissi ekki til þess að Ölstofan væri mikill veiðistaður. Ég var varla búin að vera þar inni í heilar 10 mínútur þegar hinn myndarlegasti maður var búinn að bjóða mér út að borða og vildi endilega gefa mér símanúmerið sitt af því ég gaf ekki upp mitt númer. Hann var ekki að sóa neinum tíma í óþarfa, var með lausn á því vandamáli, hann var bara með númerið sitt tilbúið skrifað á miða í vasanum og rétti mér. Og ég á semsagt að hringja þegar mig langar út að borða. Er þetta algengt haldiði? Ég er ekki í þjálfun, ég bara spyr. Kannski hafa margir verið að gera tóma vitleysu, að kynnast fólki og kynnast enn betur o s frv. 

Ég nefndi þetta lauslega við starfsfélaga minn sem ég hitti í sundinu í morgun og fékk rétt í þessu sendan lista í tölvupósti af "pickuplínum" sem ég á að "læra heima" eins og sagt var og kannast við, til að geta verið kona með fólki á stöðunum. Ég tek það fram að mínum elskulegu vinnufélögum ER annt um mig  

Hér koma fræðin, en mér sýnist reyndar að einungis karlmönnum sé kennd þessi tækni svo þetta mun varla gagnast mér mikið. Værsågod:

Fyrirgefðu, en má ég aðeins daðra við þig?

Hvernig kemst ég í aðdáendaklúbbinn þinn?

Þessi kjóll myndi líta æðislega út ... í hrúgu við hliðina á rúminu mínu.

Má ég vera þrællinn þinn í kvöld?

Til hamingju! Þú hefur verið kosin "Fallegasta konan á staðnum" og verðlaunin eru nótt með mér.

Er heitt hérna inni, eða ert það bara þú sem ert HOT! ?

En hérna ... vinnurðu eitthvað? Fyrir utan að láta menn falla í yfirlið...

Hæ, ég er nýr í bænum, geturðu nokkuð gefið mér leiðbeiningar um hvernig ég kemst heim til þín?

Ég er búinn að týna símanúmerinu mínu, ertu til í að láta mig fá þitt?

Fyrirgefðu, varstu að tala við mig? Hún: Nei... Þú: Ok .. þú mátt þá byrja á því núna.

Hvenær þarftu að vera komin aftur til himna?

Værirðu til í að snerta mig svo ég geti sagt vinum mínum að ég hafi komið við engil?

Trúir þú á ást við fyrstu sýn eða ætti ég að ganga fram hjá þér nokkrum sinnum?

Áttu kærasta? [Ef svarið er nei: Viltu einn?, Ef svarið er já: Viltu annan?]

[Þegar hún er að fara] Hey ... ertu ekki að gleyma einhverju? Hún: Hverju? Þú: Mér!

...og að lokum: 

[Kíktu á miðann aftan á skyrtunni hennar. Þegar hún spyr: "Hvað ertu að gera?", segir þú: "Jáá ... eins og mig grunaði… “MADE IN HEAVEN”.   

Leshringur, spjallrás sunnudaginn 30.sept

Við tökum fyrir umfjöllun um bókina

Við fótskör Meistarans eftir Þorvald Þorsteinsson

Sagan er um allt þetta einstaka fólk sem aldrei er í fréttunum, birtist aldrei í Séð og Heyrt, en ætti kannski með réttu að vera í brennidepli umræðunnar alla daga. 

 

Við notum þessa færslu fyrir umræðurnar og notum athugasemdakerfið fyrir spjallið.

Ég vil hvetja þá sem hafa áhuga fyrir að vera með í umræðu um bókina að taka virkan þátt og setja inn athugasemdir þó fólk sé ekki skráð í Leshringinn. Því fleiri sjónarmið því skemmtilegra.                                      

                                        Góða skemmtun

Síðla hausts

Við erum staðsett 66 gráður norður og það er langt liðið á haustið. Í dag er alskýjað, rok, rigningarlegt og dumbungur. Það er komið hádegi og maður þarf að hafa ljósin kveikt heima hjá sér. 

Samt finnst mér fallegur dagur í dag.

Við systur ætlum eitthvað að vafra um dagskrá kvikmyndahátíðarinnar. Rainer Werner Fassbinder er ofarlega á óskalistanum, báðar höfum við verið í skóla í Þýskalandi og þykir tilbreyting að sjá annað en amerískt efni stöku sinnum. Sonur hennar er í kvikmyndanámi í London svo mamman og Marta móðursystir fylgjast grannt með straumum og stefnum og þykjast miklir sérfræðingar   

Góður kaffibolli á notalegu kaffihúsi og svo þýsk, vönduð og listræn kvikmynd er upskrift að góðum degi svona síðla hausts.

Pönkari frá norður Dublin

Það er mikið rætt og ritað þessa vikuna og ekki að ástæðulausu, um framlag vesturlanda til þeirra jarðarbúa sem verr eru á vegi staddir af ýmsum ástæðum. Í Philadelphia Bandaríkjunum var afhent viðurkenning í gær. Verðlaunahafinn er einstaklingur sem hefur látið sig varða um bágan hag fólks ekki síst ungra Afríkubúa, samtökin Young Africa. Hann hefur ekki legið á liði sínu að hvetja til hins sama "kollega" sína úr veröld fræga fólksins sem ferðast stað úr stað í einkaþotum.

Hér neðst fylgir ræðan hans í heild, stutt er hún og áhugaverð. Ég ráðlegg ykkur að hlusta á hana til enda. Hún minnir mann á að einn einstaklingur með hjartað á réttum stað, getur látið gott af sér leiða bæði beint og óbeint. Hann segir m.a. "You do not have to become a monster to defeat a monster"

Áður en þið skrollið niður að ræðunni langar mig að segja ykkur til gamans stutta sögu af þessum manni en hann er Íri og Írar eru mikið fyrir að hagræða frásögnum örlítið til að gera söguna skemmtilegri. 

Sagt er að hann hafi heimsótt Bill Clinton í Hvíta Húsið með pomp og pragt.  Clinton bauð honum sæti eins og vera ber í kurteisisheimsókn og hann neitaði að setjast. Sagðist ekki vera kominn í Hvíta Húsið til að sitja þar, sagðist vilja bera upp erindi sitt strax og umbúðalaust, ... hann vildi að forsetinn tryggði framlag til menntunar barna í Afríku. Enda væri menntun eina opnunin, lykillinn, leiðin út úr fátæktinni og vonleysinu.

Clinton var þekktur fyrir frjálslegt fas og góðan húmor, hann á að hafa skellt uppúr, því honum þótti framganga mannsins óhefðbundin og skemmtileg, hló sínum innilega og smitandi hlátri og samþykkti svo!  Þetta varð að veruleika.  Í ræðunni sem hér fylgir kemur Bono inn á þetta:

http://www.constitutioncenter.org/libertymedal/splash.html

Leshringur, næsta bók og kosning

Mig langar til að stækka hringinn aðeins,bæta inn fleiri lesvinum því það eru aldrei allir með og sumir eru aldrei með af þeim sem skráðu sig í upphafi. Endilega hnippið í einhverja Moggabloggara sem eru vinir ykkar ef þið haldið að áhugi sé fyrir þessu. Kvaðir eru engar en því fleiri sem taka þátt í umræðunni um bækurnar því skemmtilegra

Svona lítur bókalistinn okkar út í heild. Þegar við erum búin með næstu bók, þ.e.Sendiherrann þá þurfum við að stilla upp röð næstu bóka. Það voru 5 bækur sem lentu allar í 3ja sæti með jafn mörg atkvæði, þær eru þarna merktar feitletrað með bláu.

Nú ætla ég að biðja ykkur að raða þessum 5 bókum upp í forgangsröð. Í hvaða röð viljiði taka þær fyrir? Hér er nánari kynning á bókunum:

http://martasmarta.blog.is/blog/leshringur/entry/289405/

Við erum bara að raða upp þessum bláu núna, tökum svo restina seinna  

1. Lífið er annarsstaðar (7)

2. Við fótskör meistarans (6) 

2. Sendiherrann (6)

3. Fried Green Tomatoes (5)

3. Á ég að gæta systur minnar (5)

3. Konan í köflótta stólnum (5)

3. Ég heiti Blíðfinnur, þú mátt kalla mig Bóbó (5)

3. Höfundur Íslands (5)

4. The witch of Portabello (4)

4. Furðulegt háttalag hunds um nótt (4)

4. Gleymið að þið áttuð dóttur (4)

4. Draumalandið (4)

4. Hrafninn (4)

4. Blóðberg (4)

4. Með lífið að láni (4)

5. Síðasti musterisriddarinn (3)

5. Karitas án titils (3)

5. Stella Blómkvist (3)

Eftirfarandi bókatitlar bárust of seint fyrir síðustu kosningu en eru mjög áhugaverðir.Tökum þá með í næstu uppröðun á listanum:

Villtir svanir eftir Jung Chang
Kona eldhúsguðsins eftir Amy Tan
Paula eftir Isabellu Allende
Gunnlaðar saga eftir Svövu Jakobsdóttur
Í barndómi eftir Jakobínu Sigurðardóttur

Leshringur, sunnudagsspjall 30.sept

Erum við tilbúin fyrir sunnudagsspjall 30.sept? Mig langar til að heyra frá ykkur af því það var nokkuð stuttur lestími að þessu sinni. Einhverjir verða fjarverandi um helgina t.d. Vilborg, Kristín Katla og Ágúst. Hvað með ykkur hin, eruð þið búin að lesa bókina eða vill fólk fresta um viku?

Það er bókin  "Við fótskör meistarans"  eftir Þorvald Þorsteinsson sem við tökum fyrir. 

Næsta bók á eftir henni er svo Sendiherrann eftir Braga Ólafsson.  

 

Myndin í færslunni er tekin í Reykjavík. Ljósmyndari Inga Helgadóttir

Tónlist er stórkostleg list

 

Ljúft og yndislegt fyrir svefninn  

http://youtube.com/watch?v=VqyW1XQrNhk

Hver? ég?

Stjörnuspáin mín í dag: Þú ert heillandi óþekktarangi og bráðnauðsynlegur þínum vinahóp. Án þín myndu allir deyja úr leiðindum, og verða því að þola óþekktina.

Ekki stríplast uppi, bara á jörðu niðri

Ég hef svo gaman af léttgeggjuðu fólki, það setur litróf á mannlífið. 

Hér er verið að banna mannskapnum að fara nakið á Everest. Í fréttinni er sagt frá því að stjórnvöld í Nepal óski eftir að bannað verði að þeir sem klífa Eversttind hæsta fjall í heimi, kasti af sér fötunum þarna uppi!   

Í 8.848 metra hæð yfir sjávarmáli  

Vinsamlegast ekki fara nakin á Everest

Það gerist ýmislegt á Ólympíuleikum

Það gerist ýmislegt á Ólympíuleikunum..... 

nauðsynlegt að hafa hljóðið á

http://www.mojoflix.com/Video/Evgeni-Plushenko-Sex-Bomb.html 

 

........ Anna, handa þér