Mogginn endurreistur

Alla fimmtudaga fram að jólum verður Morgunblaðinu dreift frítt í heimahús á höfuðborgarsvæðinu.

Mér finnst það vel til fundið hjá Moggafólki að minna á sig með þessum hætti. Fjallað er um rekstarvanda blaðsins í fjölmiðlum um þessar mundir en það væri mikill sjónarsviptir af Mogganum ef ekki tekst að koma rekstrinum á kjöl.

Manni verður hugsað til ýmsra annarra dagblaða frá uppeldisárunum sem eru horfin af vettvangi, s s Alþýðublaðið, Tíminn, Þjóðviljinn, Vísir og Dagblaðið. Þau fyrstnefndu voru flokksblöð svokölluð, þau höfðu beina skírskotun til kjósenda þeirra stjórnmálaflokka sem styrktu eða stóðu að rekstri viðkomandi blaðs. 

Þeir sem báru út blöð í hús þekkja það vel - að óhugsandi var að sá sem keypti áskrift að Tímanum myndi líka kaupa áskrift að Þjóðviljanum o s frv. Fólk hélt sig við sína flokkslínu í þessu og mörgu öðru. Menn keyptu sér jafnvel ekki bíl hjá hvaða bílaumboði sem var þó um ágætisbíla væri að ræða, ef ekki voru "réttar" flokkspólitískar skoðanir þar við stjórn reksturins. 

Margt hefur breyst til hins betra að þessu leyti í okkar samfélagi og við líklega orðin veraldarvanari sem samfélag, enda flestur sá rekstur sem byggði á fáu öðru en flokkspólitískri tryggð  - fyrir löngu kominn á hausinn 

Morgunblaðið var á árum áður flokksblað Sjálfstæðismanna. Undanfarin ár hefur Mogginn horfið frá hinu flokkspólitíska harðlínu spori og höfðað meira til hins almenna lesanda. Líklega er það ástæðan fyrir því að blaðið hefur lifað af í samkeppninni a m k enn sem komið er. 

Morgunblaðið í aldreifingu fram að jólum

Athugasemdir

[Asdis Sig, 6.12.2008 kl. 16:45]

Mér finnst að fyrst þeir eru að þessu þá eigi þeir að gera það á landsvísu, en kannski er hann vel keyptur úti á landi.

[Fanney Björg Karlsdóttir, 6.12.2008 kl. 17:20]

Hvers eigum við að gjalda sem búum úti á landi.....það er eins og maður sé annars flokks landsmaður búandi ekki á höfuðborgarsvæðinu.....

[Kristján Sigurður Kristjánsson, 6.12.2008 kl. 20:32]

Til hvers þarftu Moggan? Af hverju á að taka 4000 miljónir á versta tíma af almannafé til að henda í Árvakur? Hefur þú efni á því? Væri þessum 4000 miljónum ekki betur komið í Geðdeild LSH meðan eina tilvísun spítalans er sjálfsmorð.

[ag (IP-tala skráð) 6.12.2008 kl. 22:33]

það er ekki réttlætanlegt að bjarga þessu blaði, bara enganveginn. yrði bara  hneyksli og látum það ekki spyrjast um okkur, nóg er nú samt.

að byggja með þessum líka flottræfilshætti höll úti þessum móa þarna var afar heimskulegt -  sama hvað hver segir - PUNKTUR !

[Ingibjörg Hinriksdóttir, 6.12.2008 kl. 23:44]

Morgunblaðið var á árum áður flokksblað Sjálfstæðismanna. Ertu nú svo viss um að þessum tíma sé lokið?

[M, 7.12.2008 kl. 00:57]

Fyrst þeir eru að auglýsa þetta á höfuðborgarsvæðinu, þá væri skemmtilegra að fá blað í kassann   Fékk fyrsta daginn og svo ekki söguna meir.

[Guðrún Jónsdóttir (IP-tala skráð) 7.12.2008 kl. 02:01]

Kristjánn Sigurður Kristjánsson, þú vilt ekki Moggann, en vilt þú Fréttablaðið og DV? Mér er spurn? Hver á stæstan hlutan í Mogganum?

Er það ekki sá aðili sem á stæsta hluta í Mogganum sem hefur komið okkur á kaldan klakan í Íslensku efnahagslífi. Jón Ásgeir og "öll hans félög". Mér fanst þú gleyma hinum blöðunum.

Guðrún Jónsdóttir.

[Guðrún María Óskarsdóttir., 7.12.2008 kl. 02:43]

Sæl Marta.

Ég er alveg sammála þér að Mogginn hefur sannarlega staðið sig sem ópólítiskur vettvangur alla jafna, eigi þeir heiður skilið sem þar hafa staðið að málum.

kv.gmaria.

[Sigfús Axfjörð Sigfússon, 7.12.2008 kl. 03:31]

Mogginn má fara, það er kominn tími á breytingar á fjölmiðlamarkaði. Ég sá ekkert eftir hinum blöðnum og mun ekki sjá á eftir mogganum. Ég mundi vilja fá tvö til þrjú læsileg minni blöð með almenari skírskotun á þjóðfélagsmyndina. Mogginn er ekki allra!

[Kristján Sigurður Kristjánsson, 7.12.2008 kl. 12:36]

Til Guðrúnar Jónsdóttur og annara:

Ég vil ekki að Mogganum verði gefnar 4000 miljónir af ríkisfé. Fréttablaðið og DV mega fara líka, það er engin þörf fyrir dagblöð frekar en kallara.

ES: Fjárhagskreppan er ekki Jóni Ásgeir eða "öllum hans félögum" að kenna, síður en svo.

[Marinó Már Marinósson, 7.12.2008 kl. 14:49]

Af öðrum blöðum ólöstuðum þá ber Mogginn af þeim fréttablöðum sem koma út að mínu mati. 

Sem betur fer náði Fréttablaðið og eigendum þess ekki að knésetja Moggann eins og þeir hafa eflaust vonast til, þó um ójafnan leik að ræða með því að dæla blaðinu ókeypis inn á öll heimili, hvort sem fólki líkaði það eður ei.  Ég vona að Mogginn lifi þetta af þó svo að ég lesi aldrei leiðarann.       

ps.   Skuldar ekki Jón Ásgeir og hans félög þjóðinni upphæð sem jafngildir átta Kárahnjúkavirkjunum með öllum jarðgöngum? Það er engin smá upphæð!

[Steingrímur Helgason, 7.12.2008 kl. 23:05]

Marta B. Helgadóttir, veistu, ég sagði upp áskrift minni að mogganum, þegar mér var boðið upp á að borga mig frá auglýzingum fyrir mitt blogg á vef mbl.is fyrir einhvern súlupeníng á mánuði.  Sem áskrifanda fannst mér alveg sanngjarnt að þeir sem væru slíkir, þyrftu ekki að borga meira  fyrir þá 'þénuztu' en þeir sem að væru það ekki.

Stjórnendum vefsins fannzt ekki sem svo, þannig að mín trúa áskrifönd hvarf þeim frá, ein lína á mín Vízakorti því líka ómerk & dauð.  Breytir ekki því að Morgunblaðið var þegar að það var, til forna sem flokkzmálgang Valhallar, bezta blað landzinz, þegar hún var & hét.

Núna trúir maður ekki orði frá neinum fréttamiðlum, þetta er allt meira eða minna ~baugað~ eða ~davíðað~.

Mázke ætti maður að redda sér 'Playboy' ázkrift, dona fyrir greinarnar.

?

[Ágúst H Bjarnason, 8.12.2008 kl. 10:59]

Ég hef lesið Moggann svo lengi sem ég man eftir mér og finnst hann ómissandi. Í dag legg ég á mig að fara hálftíma fyrr á fætur til að eiga notalega stund með Mogganum og góðum kaffibolla

Þegar ég var barn og unglingur bárust bæði Mogginn og Þjóðviljinn inn á heimilið. Þá var Mogginn auðvitað miklu pólitískari en í dag þannig að þetta var mjög góð blanda. Eftir á að hyggja held ég að ég hafi bara haft gott af þessu. Ég er sem sagt alinn upp við að lesa bæði Moggann og Þjóðviljann, enda er ég pólitískt viðrini í dag