Ivanov í Þjóðleikhúsinu

Þjóðleikhúsið frumsýndi Ivanov eftir Anton Tsjekov á annan í jólum.

Ég var gjörsamlega heilluð af sýningunni :

sviðsmyndin eftir Grétar Reynissoneinstök snilld, sem virtist einföld við fyrstu sýn er var flókin tæknileg útfærsla, tónlistin sem var í umsjá Sigurðar Bjólu var m.a. eftir Tom Waitts og átti vel við..., lipur þýðing textans sem er gerð af Baltasar og Ólafi Agli, 

...og svo þau snillingarnir öllsömul:  Hilmir Snær hreint frábær og ótrúlega sannfærandi í hlutverki Ivanovs sem er eigingirnin uppmáluð, sneyddur lífsgleði og sama um allt og alla. Margrét Vilhjálmsdóttir sem eiginkona hans gyðingurinn Anna. Margrét er frábær í hádramatísku en um leið lágstemmdu hlutverki. Ólafur Darri var magnaður sem Shabelski greifi. Hann er gífurlega sterkur á sviðinu þessi hæfileikaríki leikari. Kornung leikkona Laufey Elíasdóttir fannst mér eftirtektarverð í hlutverki dótturinnar Söshu, sem þróast úr ástsjúkri unglingsstúlku í harðákveðna unga konu. Laufey skilar sínu hlutverki mjög vel.  

Baltasar leikstýrir og tekst að skapa ákveðinn léttleika í annars þungu verki. Ivanov var eitt fyrsta leikverk Tsjekovs sem hann skrifaði í fullri lengd. Glæný kvikmynd Baltasars Brúðguminn, fjallar sömuleiðis um Ivanov. Nú bíð ég spennt eftir að sjá hana.

Maðurinn er það sem hann trúir  - er haft eftir Anton Tsjekov.

Nýtt á mbl.is:  leikhúsin 

 

  Hilmir Snær

 Laufey

Ólafur Darri 

 

 

 

 

Athugasemdir

[Svava frá Strandbergi , 29.12.2007 kl. 18:11]

Hilmir Snær er æði. Furðulegt hvað þessi unga leikkona er nauðalík Keira Knightly. Gott að þú skemmtir þér. Ég er að fara í leikhúsið annað kvöld. Óska þér gæfuríks nýs árs. Þökk fyrir gott bloggár.

[Hugarfluga, 29.12.2007 kl. 18:57]

Gaman að heyra! Eitt af því sem mig langar að gera meira af er að fara í leikhús og ekki verra að fá álit frá "dómstóli götunnar". Knús á þig, Matta mín.

[www.zordis.com, 29.12.2007 kl. 19:44]

Leikhús er annar heimur og þetta verk er án efa gott eins og þú lýsir því!  Það væri væn tilbreyting að fara í leikhús og það má segja að Ísland sé hið mesta menningarland.

Bestu kveðjur til þín Marta Smarta!

[Guðríður Pétursdóttir, 29.12.2007 kl. 19:47]

maður er það sem maður borðar

maður er það sem maður hugsar

maður er það sem maður trúir...

lítur út fyrir að maður sé bara nákvæmlega það sem maður gerir borðar og hugsar í bland...

en það kemur varla neinum á óvart.. eða hvað

[Viðar Eggertsson, 29.12.2007 kl. 20:28]

Ivanov í Þjóðleikhúsinu er afburðasýning!

Ég var algjörlega heillaður.

Yndisleg, ljúf, sorgleg, fyndin... og allt saman í höndum einstakra listamanna, á sviði sem baksviðs, sem hver um sig átti ógleymanlegan dag.

Takk fyrir mig.

[Marta B Helgadóttir, 29.12.2007 kl. 20:58]

Takk sömuleiðis Viðar, gaman að sjá línu frá þér.

[Marta B Helgadóttir, 29.12.2007 kl. 21:15]

Zordis mín, annar heimur já, dásamlegur bara, ekki síst fyrir okkur sem sitjum úti í sal með hugann og hjörtun opin og njótum.

Ég hef verið forfallinn leikhúsunnandi síðan ég var ca 12 ára, elska skáldsögur og hef lesið  ýmis leikhúsverk. Lét mig dreyma um að starfa í greininni og sótti leiklistarnám um tíma, en lífið tók aðra stefnu mjög snemma.

[Ásdís Sigurðardóttir, 29.12.2007 kl. 21:28]

Gaman að heyra þetta, hef mikla trú á þessu stykki. Kannski kemst ég í leikhús á nýju ári.  Kær kveðja til þín og þinna.

[Ása Hildur Guðjónsdóttir, 30.12.2007 kl. 00:24]

Þetta hljómar mjög spennandi. Ætla að drífa mig við fyrsta tækifæri á þessa sýningu.

[Ágúst H Bjarnason, 30.12.2007 kl. 00:33]

Takk fyrir þessa áhugaverðu ábendingu. Þetta er örugglega góð auglýsing fyrir Þjóðleikhúsið

Annars er þetta flottur pistill hjá þér Marta. Góður texti og falleg uppsetning

[G. (IP-tala skráð) 30.12.2007 kl. 03:31]

Takk Marta mín

[Kristján Kristjánsson, 30.12.2007 kl. 16:26]

Gott að heyra. Ég er að fara sjá þessa sýningu 11 jan næstkomandi og er mjög spenntur

[Huld S. Ringsted, 30.12.2007 kl. 17:27]

Hljómar spennandi, kannski ég skelli mér bara í leikhúsferð til Reykjavíkur, aldrei að vita

[Marta B Helgadóttir, 30.12.2007 kl. 18:49]

Ágúst þetta er ekksi skrifað sem auglýsing fyrir Þjóðleikhúsið, ég held að stjórnendur þar hafi önnur ráð til að auglýsa heldur en að biðja mig að blogga um sýningarnar.

Þetta er einfaldlega skrifað af aðdáun




Ein perlan í tilverunni þetta árið var að njóta þessarar sýningar.

[Guðný Anna Arnþórsdóttir, 30.12.2007 kl. 23:29]

Ég get eiginlega ekki beðið eftir að komast á þessa sýningu. Hef séð allar Tsjekov - uppfærslur sem ég hef komið við að sjá og auðvitað verið mishrifin eins og gengur. Þetta verk, Ivanov, er svo skrambi gott og ég get alveg ímyndað mér að í meðförum þessa einvalaliðs sé hér um einstaka upplifun að ræða. Góð áramót Marta kær!

[Halldór Egill Guðnason, 31.12.2007 kl. 00:38]

Þessi sýning er góð. Eftir lestur þeirrar gagnrýni sem hún hefur fengið, er ég endanlega kominn á þá línu að tíminn sjái um gagnrýnendur. "Time takes care of critics" "Brilliant" hjá leikurunum og sviðsmyndin flott. Síðan geta gagnrýnendurnir eytt hálfsíðu eða meir í að kryfja fyrirbærið. Þeirra orð skipta mig engu. Upplifunin sem "einungis" almenns áhorfanda, nægja mér alveg. Enginn ætti að fara í leikhús EFTIR að hafa lesið gagnrýni.

[Marta B Helgadóttir, 31.12.2007 kl. 00:47]

Halldór það er alveg rétt, .....ég les helst aldrei leikhúsgagnrýni

[Nanna Katrín Kristjánsdóttir, 31.12.2007 kl. 01:04]

Get ég farið með ungling á hana?  14 ára?  Langar svo að fara með hann á "alvöru" verk, svona sem skilur eitthvað eftir sig.

[Marta B Helgadóttir, 31.12.2007 kl. 01:29]

Hæ Nanna.

Ég var látin sækja leiksýningar "af öllum stærðum og gerðum" þegar ég var að alast upp og bý að því alla ævi, það sama gerði ég svo með minn strák þegar hann var krakki og unglingur, fór mikið með hann í leikhús.

Þetta verk er reyndar mjög strembið held ég fyrir 14 ára, því þarna eru mikil tilfinningaleg átök fullorðins fólks.

Ég myndi kannski frekar velja t d söngleikinn Jesus Christ Superstar, þar fær hann flott show, eftirminnilega tónlist sem hefur sett mark á tónlistarsöguna og svo "söguna" tengingu við trúarbragðafræðsluna sem hann er búinn að læra í skólanum. Þá nýtur hann þess á sýningunni að þekkja söguþráðinn að einhverju leyti. 

[Nanna Katrín Kristjánsdóttir, 31.12.2007 kl. 01:32]

Ég var reyndar látin gera það líka.  Man eftir að hafa farið á kæra hjelena og blóðbrullhlaup ásamt fleirri verkum mjög ung og man enn hversu hátíðlegt það var og fékk mann til að hugsa aðeins dýpra.  Söngleikir eru skemmtilegir og fer með hann á svoleiðis en ekki það sama samt, að mínu mati.  En ´líklega er best að bíða í nokkur ár í viðbót þar til ég fer með hann á alvarlegri verk.

[Marta B Helgadóttir, 31.12.2007 kl. 01:35]

Já, krakkar eru reyndar bara svo ólík, sum eru heilmiklir pælarar mjög snemma