Einfalt kalt mat, 40%

Hér er ekki vitnað í greiningarvinnu hvorki stórnmálafólks né annarra. Hér er einfalt kalt mat. Borðleggjandi staðreynd. 

Samkvæmt skattframtölum fyrir tekjuárið 2010 voru um 40% heimila á Íslandi með neikvæða eignastöðu eins og það er kallað, með meiri skuldir en eignir.  40%! 

Þetta fjallar ekki um tölur heldur er hér verið að tala um fólk. Nánast annaðhvort heimili í landinu.

Íslensk heimili í þessum aðstæðum voru 25.000 þremur árum áður, en orðin 60.000 áramótin 2010. Og fjölgar enn. 

Samkvæmt gögnum Hagstofunnar hófust miklir búferlaflutningar til og frá landinu árið 2004 og standa enn. Fyrstu fimm árin, 2004-2008, fluttust tæplega 16 þúsund til Íslands umfram brottflutta.

Undanfarin þrjú ár, 2009-2011, hefur dæmið hins vegar snúist við, tæplega 8.400 hafa flust til útlanda umfram aðflutta.

Það þarf ekki mikil vísindi til að setja samhengi þarna á milli. Samt hefur núverandi ríkisstjórn Íslands ekki tekist það.   

 

Því fylgir ferskur andblær þegar fólk úr hópi almennings lætur til sín taka opinberlega, í réttlætisskyni og á eigin forsendum. 

Ég vil hvetja hvern þann sem ekki sá viðtal við Karl Sigfússon verkfræðing síðastliðinn sunnudag á RÚV að hlusta á það hér. Þeim fáu mínútum er vel varið. 

"Plástrar á opin beinbrot" kallar hann ráðstafanir ríkisstjórnarinnar í þágu heimilanna.

http://www.ruv.is/sarpurinn/silfur-egils/22012012/karl-sigfusson-verkfraedingur

 

Greinarskrif Karls fylgja svo hér:

http://www.visir.is/visitolufjolskyldan-er-gjaldthrota!/article/2012701199985

http://www.visir.is/eg-er-kugadur-millistettarauli!/article/2011711109981

 

Unga fólkið flytur út

Athugasemdir

[S.S. (IP-tala skráð) 2.2.2012 kl. 15:42]

Samantekt Arionbanka lítur svona út í dag:

Í markaðspunktunum eru dregnar eftirfarandi ályktanir af því sem gerðist fyrir hrun.

1. Sum heimili sem keyptu á tímabilinu 2002-2007 keyptu á „of“ háu verði (74 þús. kaupsamningar, þ.e. 37 þús. kaupendur)
2. Öll heimili sem keyptu á árunum 2006-2008 keyptu á toppnum (28 þús. kaupsamningar, þ.e. 14 þús kaupendur)
3. Sum heimili skuldsettu sig um of (samanber 43% útlánaaukningu að raunvirði á tímabilinu)
4. Sum heimili voru í vandræðum fyrir hrun (samanber lífskjarakönnun Hagstofu Íslands)

Nánar hér