Fjölmiðlar eru mikilvægustu tæki lýðræðissamfélaga

,,Völd geta verið hættuleg og valdafýsnin er sterk. Sá sem valdið hefur gefur það sjaldnast frá sér. Það er margsannað,“ segir Herdís Þorgeirsdóttir forsetaframbjóðandi sem segist ekki sitja nema í tvö kjörtímabil sem forseti nái hún kjöri.

,,Í rannsóknarskýrslu Alþingis kemur til dæmis skýrt fram hvernig auður og völd söfnuðust á fáar hendur og hvernig hinir kjörnu fulltrúar máttu hopa andspænis peningaöflum sem vildu í auknum mæli hafa áhrif á löggjöf og stefnu stjórnvalda. Því fór sem fór en þá ber að spyrja, hvar er þingræðið og þar af leiðandi lýðræðið.“

Mæli með meðfylgjandi pistli Herdísar Þorgeirsdóttur forsetaframbjóðanda

Sjá hér.

Tveir turnar

Við lifum í samfélagi sem alltaf gerir þá kröfu að til séu tveir turnar;

tvennskonar strúktúr og öllum er okkur uppálagt að tilheyra öðrum og hafna hinum. Við eigum að vera með einum og það merkir náttúrlega að við séum á móti hinum.

Í samfélagi tveggja turna er ekki gert ráð fyrir fólki sem er hlutlaust; hlutlægni er ekki leyfð og sá sem er raunsannur hlýtur að vera slæmur. Hér er það nefnilega gefið og meira en kristaltært að ef maður á ekki heima í annarri blokkinni þá á maður heima í hinni. Ef samfélagði veit ekki hvorum arminum ég tilheyri þá er ég álitinn hættulegur.

Ég tilheyri hvorki meðmælendaklíkunni né heldur mótmælendaklíkunni og af þeim sökum er ég afar hættulegur maður. Ég bý nefnilega í samfélagi sem segir að meðalhóf, meðalmennska, meðaljónar og meðaljónur eyðileggi þá fögru mynd sem átök tveggja klíka viðhalda. Mér er sagt að sá sem er ekki með mér í liði sé mótherji minn og þeirri tuggu er mér ætlað að trúa.

Herdís Þorgeirsdóttir tilheyrir ekki þessu njörvandi afli sem heimtar að við tökum ætíð afstöðu með eða á móti. Herdís er kona sem þorir, kona sem yfirvegar sínar skoðanir og treystir hvorki á aðra klíkuna né hina. Herdís er hugsandi manneskja sem gefur meðalhófi gildi og veit í hjarta sínu hvernig samfélag getur dregið fram það besta í okkur öllum. Þeir sem hafa döngun til að stíga útfyrir ramma hinna tveggja turna, það fólk sem þorir að hlusta á sína innri rödd og hlúa að fögrum hugsjónum, það fólk veit að rödd Herdísar Þorgeirsdóttur þarf að fá að hljóma.                                                                                                

Greinarhöfundur er Kristján Hreinsson, skáld.

Var áður birt á vefsíðunni: herdis.is

Lýðræði er alltaf svarið

Þá er það komið á hreint að Ólafur Ragnar Grímsson, forseti lýðveldisins, er byrjaður kosningabaráttu sína og gerir það auðvitað með stæl, eins og hans var von og vísa. Hann hættir aldrei að koma á óvart, hann Ólafur, og að þessu sinni hóf hann baráttuna með viðtali á Bylgjunni.

Þar fór Ólafur mikinn. En það sem vakti sérstaka athygli mína var, að Ólafur talaði aldeilis sérlega fallega um einn af keppinautum sínum um forsetaembættið. Hann nefndi ítrekað nafn Herdísar Þorgeirsdóttur, og fór um hana mörgum fögrum orðum.

Til að ekkert fari nú á milli mála, þá sagðist Ólafur þekkja og meta Herdísi mjög mikils. Og hann bætti um betur:  "Ég fylgdist vel með hennar doktorsnámi, hef lesið hennar skrif og hún hefur mikla kunnáttu og þekkingu á lýðræðinu, mannréttindamálum og fjölmiðlamálum og skrifaði stórmerkilega doktorsritgerð í þeim efnum."

Þetta er nú ekki bara fallega sagt hjá Ólafi Ragnari  - þetta er líka alveg hárrétt. Hver sá, sem leggur leið sína á heimasíðu Herdísar, herdis.is, sér, að Ólafur Ragnar veit nákvæmlega hvað hann er að segja.

Þetta er þeim mun athyglisverðara í ljósi þess að Ólafur Ragnar hefur að verulegu leyti breytt eðli forsetaembættisins. Hann er fyrsti forsetinn, sem beitir málskotsréttinum  - ekki einu sinni, heldur þrisvar og það þarf víst minna til að verða umdeildur.

Það verður eiginlega ekki betur séð en að Ólafur Ragnar sé búinn að lýsa því yfir að Herdís er meira en vel hæf til að taka að sér embætti forseta Íslands, og það má eiginlega segja þeim mun betur, sem hún getur  - andstætt Ólafi Ragnari  - staðið frammi fyrir íslenskri þjóð sem táknmynd nýrra tíma og nýrra gilda. Það er nú einu sinni það, sem okkar ágæta þjóð þarf öðru fremur.

Herdís getur auk þess tekið á málum af þekkingu og kunnáttu og hún getur best allra frambjóðenda verið rödd Íslands á heimavelli jafnt og erlendis og lagt sem slík áherslu á gildi jöfnuðar, mannréttinda, lýðræðis og tjáningarfrelsis.

Íslendingum væri heiður að því að kjósa í embætti forseta konu, sem getur talað af þekkingu um mannréttindi á alþjóðavettvangi.

Þá er Herdísi Þorgeirsdóttir betur en öðrum frambjóðendum treystandi fyrir því verkefni að gæta hagsmuna íslensku þjóðarinnar hvað varðar náttúruauðlindir hennar og auðæfi  - sem málsvari lýðræðis og undir kjörorðinu "Lýðræði er alltaf svarið!" mun Herdís standa vörð um sjálfsákvörðunarrétt íslensku þjóðarinnar og undirstöðu sjálfstæðis þjóðarinnar.

Valið er því auðvelt, þegar kemur að kjördegi: Herdís Þorgeirsdóttir er sú mannkostamanneskja, sem getur tekið við búi að Bessastöðum með þeirri reisn og sæmd, sem við Íslendingar helst viljum.

 

Meðfylgjandi grein birtist á Visir.is

Menntunarsjóður tekjulágra kvenna

Góð þátttaka varð í frábæru framtaki Mæðrastyrksnefndar til styrktar menntunarsjóði tekjulágra kvenna. 

Fjöldi sjálfboðaliða mætti til að sauma blóm í Ráðhúsi Reykjavíkur í gær 24.apríl.  En mæðrablómin verða seld til styrktar menntunarsjóðnum.

Á myndinni eru Herdís Þorgeirsdóttir, forsetaframbjóðandi, Kristín Vala Ragnarsdóttir, forseti Verkfræði - og náttúruvísindasviðs H.Í.  og Ragnhildur Guðmundsdóttir formaður Mæðrastyrksnefndar.

Stofnun menntunarsjóðs

Sjá frétt RÚV:

Sumarið er tíminn